今日帶左阿媽去聽教會，好似叫咩「三師圍攻」，
好似圍攻光明頂噤，哈哈哈︿︿
之前都去過，所以再帶阿媽去了解下咩叫信耶穌, 同點解要去信。
覺得如果成日都打牌不如去下教會仲好啦，有o的世藝丫麻。
不過自己唔信，就偏偏叫阿媽去信。
可惜果三位都冇咩說服力，仲令我上次去完更加唔會去信（本末倒置？！），
其中一位係我舊同事，仲係老師黎架，仲好講，佢講得最差‧‧‧
希望阿媽得閒就再去下啦。
走之前仲問我仲有咩問題唔信，我唔好意思講啦，
因為前題係我叫阿媽去信，自己又唔信。
不過你要我講我咪講囉。
我同佢地講：
「我覺得呢，『聖經話聖經上所說的是對』呢句說話係好吊詭囉，
我唔理到底世界係由邊位創造既，甚至聖經到底係唔係事實或者咩預言，
係因為聖經之所以有果件事定係事情發生後先至引用聖經呢噤，
一o的起點同終點既問題。
我地都太小喇，冇辦法證實到底聖經之中所講係唔係巧合。
但我覺得大多數由自然既感覺，聖經所講既大都冇錯囉。
o岩既事情我唔會去亦冇必要去深究來源。
如果我地都要因為必須透過交托主去去除罪過（佢地定義咩雞毛都有罪），
先至可以得到永生（天堂之類的東東），
點解唔可以自己解決呢，縱使自己未必有別人做的好，
未必有能力，但叫由自己出發，好過由別人出發的角度黎睇，
我點解要先咩都叫神呀神呀。（我爭在冇講你地都係冇能力先逃避問題等等）
可能我未夠謙卑啦，所以我唔需要咩永生。
呢方面我同信主仲有好一大段距離。
（有一日如果我真係有件大鑊野搞唔掂先算啦）」
就係噤我地去左兩個鐘聽人講耶穌。（仲係我叫我阿媽去）
